Në Kosovë 165415 auto të regjistruara
Pas luftës, fshatrat dhe qytetet e
Kosovës janë vërshuar nga autovetura
të të gjitha llojeve. Është theksuar se një pjesë
e madhe e autoveturave
janë shumë të vjetra e janë sjellë
këtu pas skadimit të afatit të përdorimit
në shtetet perëndimore, sidomos në
Gjermani dhe në Zvicër. Qendrat
e regjistrimit të autove kanë njoftuar se deri nga mesi i majit,
në Kosovë janë
regjistruar gjithsej 165475 automobila. Qytetarët
serbë janë lejuar nga Adiministrata Ndërkombëtare
të bëjnë
regjistrimet e veta në lokalitetet, të
cilat njihen si enklava të kontrolluara nga ky minoritet.
Organet e shërbimeve
policore kanë njoftuar se janë vënë
re raste të falsifikimit të numrave të veturave, të
cilat janë sjellë në Kosovë pasi
janë kontrabanduar nga shtetet perëndimore.
Konfiskimi i tyre do të vazhdojë, është njoftuar nga
organet policore.
Zgjedhjet më 17 nëntor, me sistem proporcional
Zgjedhësit në Kosovë do të dalin
në vendvotime më 17 nëntor 2001. Partitë politike,
koalicionet dhe iniciativat qytetare
do të kenë rast të paraqiten me alternativat
e tyre në një fushatë, e cila, për të ardhmen
më të mirë të Kosovës, do të
ishte me interes të jetë e qetë dhe
e kulturuar. Vetë grupet politike mund të japin një
kontribut shumë të madh duke
respektuar kriteret e fushatës zgjedhore.
Përmes zgjedhjeve parlamentare, do të zgjedhen 100 parlamentarë.
Minoritetet
do të mund të fitojnë 20 vende,
që përbën mbi 15 për qind të elektoratit
të përfaqësuar. Zyrtarët e OSBE-së kanë
theksuar se në Kosovë do të
përdoret sistemi proporcional i zgjedhjeve. Në këtë
mënyrë, përkrahen
partitë e vogla, të cilave u jepet më
shumë shans për të qenë pjesë e Parlamentit
të ardhshëm të Kosovës.
www.llapi.de
www.besiana.de
www.jushi.de
info@llapi.de
info@besiana.de
info@jushi.de